2019 წლის 9 ივლისს ურთიერთთანამშრომლობის მემორანდუმი გაფორმდა დასტა რექორდს მენეჯმენტსა და პროფესიულ კოლეჯ მერმისს შორის. კოლეჯი მერმისი ერთ-ერთი წარმატებული პროფესიული განათლების კერას წარმოადგენს საქართველოს საგანმანათლებლო სივრცეში. მემორანდუმის ფარგლებში კოლეჯი „მერმისი“ სტუდენტებს შესალებლობას მისცემს განივითარონ პრაქტიკული უნარ-ჩვევები დასტაში სტაჟირების გავლით.
ამავე წლის 17 ივლისს შედგა მორიგი შეხვედრა, რომლის დროსაც მხარეებმა განიხილეს მემორანდუმის იმპლემენტაციის დეტალები. შეხვედრას ესწრებოდნენ დასტას დირექტორი დაან ჰარმსენ, კოლეჯ მერმისის ადამიანური რესურსების მენეჯერი ლალი ბეშკენაძე და განათლების ხარისხის განვითარების ეროვნული ცენტრის წარმომადგენელი ქ-ნი მარინა გოგოლაძე.
„ჩვენ მოხარულები ვართ წვლილი შევიტანოთ სახელმწიფოს მისიაში, განავითაროს პროფესიული განათლება საქართველოში და ველით წარმატებულ თანამშრომლობას კოლეჯ მერმისთან“ – დაან ჰარმსენ, დირექტორი, დასტა რექორდს მენეჯმენტი
კოლეჯი მერმისი 2007 წლიდან შეიქმნა და მისი მისიაა წვლილი შეიტანოს ქვეყნის ეკონომიკურ სტაბილურობაში შრომის ბაზრის მოთხოვნის შესაბამისი მაღალკვალიფიციური და სამოქალაქო ცნობიერების მქონე კადრების მომზადების გზით. დღეისათვის კოლეჯში 500-ზე მეტი ადამიანი ეუფლება სხვადასხვა პროფესიას და აქტიურარ ანვითარებენ პროფესიულ განათლებას საქართველოში.
დასტას შესახებ
დასტა, საქმისწარმოებისა და არქივის მართვის პირველი პროფესიონალური კომპანია, რომელიც 2014 წელს დაარსდა საქართველოში. დასტა თავის კლიენტებს სთავაზობს დოკუმენტების შენახვის, მათი ციფრულ ფორმაში გადაყვანისა და განადგურების მსოფლიო სტანდარტების შესაბამის მომსახურებას მთელი ქვეყნის მასშტაბით. საქართველოში მომუშავე თანამშრომლებით, გამოცდილი საერთაშორისო პარტნიორებით, თანამედროვე საარქივე დაწესებულებითა და შესაბამისი პროგრამული უზრუნველყოფით, დასტა თავის კლიენტებს აძლევს საშუალებას დაზოგონ ხარჯები, შეამცირონ დოკუმენტების შენახვასთან დაკავშირებული რისკები და გაზარდონ ეფექტიანობა.
2 Comments
Riva Collins
It’s no secret that the digital industry is booming. From exciting startups to need ghor
global and brands, companies are reaching out.
Obila Doe
It’s no secret that the digital industry is booming. From exciting startups to need ghor hmiu
global and brands, companies are reaching out.